نازناوهكان تهريقهتى نهقشبهن به درێژايى مێژوو
له مێژووى خۆيدا تهريقهتى نهقشبهندى چهند نازناوێكى ههبوه له ههر قۆناغێكدا به يهكێك لهو نازناوانه شوهرهتى پهيدا كردووه ، كه بريتين له :
يهكهم : تهريقهتى (الصديقية) .
دووهم : تهريقهتى (الطيفورية) .
سێيهم : تهريقهتى (الخواجكانية) .
چوارهم : تهريقهتى (النقشبندية) .
پێنجهم : تهريقهتى (الأحرارية) .
شهشهم : تهريقهتى (المجددية) .
حهوتهم : تهريقهتى (الخالدية) .
به پێى ئهم رونكردنهوهى لاى خوارهوه :
دياره تهريقهتى نهقشبهندى له مێژوى ئيسلامىدا به چهند قۆناغێكى گرنگدا تێپهرِيوهو له ههر قۆناغێكيشدا جۆره شوهرهت و نازناوێكى ههبووه ، ئاشرايه كه ئهم تهريقهته ئهچێتهوه سهر حهزرهتى( أبوبكر)ى (صديق) (رضي الله عنه) كه ئهو يش راستهوخۆ لهلايهن حهزرهتهوه [د.خ ] وهريگرتووه ،
بۆيه له سهرهتادا له حهزرهتى (أبو بكر ى صديق)هوه ، تا شێخ با يهزيد ى بوستامى (طيفور بن عيسى البسطامي )(قدس الله أسرارهم) ، ناسراوه به تهريقهتى (صديقية) ، كه نازناوى حهزرهتى (صديق) ه (رضي الله عنه).
وه له بايزيدى بوستامى يه وه ههتا خواجه شێخ (عبدالخالق)ى غهجدهوانى (قدس الله أسرارهم) ، ناسراوه به (طيفورية) ، كه نازناوى حهزرهتى بايزيدى بوستامى يه،
وه له خواجه شێخ (عبدالخالق)ى غهجدهوانى يه وه( عبد الخالق بن عبد الحميد الغجدواني البخاري) ، ههتا شاهى نهقشبهند (قدس الله أسرارهم) ناسراوه به تهريقهتى (خواجكانية) ، كه بهواتاى (المشايخ) دێت له زمانى فارسيدا، كه بريتين له كۆمهلێك له رابهرانى ئهم تهريقهته و ههريهكهيان به نازناوى (خواجه)وه ناسراون ، واته: (شێخ )، ياخود (رابهر) .
وه له شاهى نهقشبهنديشهوه ، ههتا شێخ (عبيد الله) ى ئهحرار (قدس الله أسرارهم) ناسراوه به تهريقهتى (نقشبنديه) كه نازناوى حهزرهتى شاهى نهقشبهند (شێخ محمد بهاء الدينى نهقشبهند ) بووه (قدس الله سره) ،
وه له شێخ (عبيد الله) ى ئهحراريشهوه (عبيد الله بن محمود بن شهاب الدين الشاشي السمرقندي الأحرار ت 895هـ)، ههتا ئيمامى رهببانى (قدس الله أسرارهم) ناسراوه به تهريقهتى (أحراريه) كه نازناوى حهزرهتى شێخ عبيد الله ى ئهحراره (قدس الله سره) .
وه له ئيمامى رهببانىشهوه (أحمد الفاروقي السهرندي اللاهوري ت 1034هـ) هه تا شێخ (شمس الدين حبيب الله جان جانان المظهر الحنفي الدهلوي ) (قدس الله أسرارهم) ، ناسراوه به (مجددية مظهرية) وه ئهو نازناوه درێژهى كێشاوه تا سهردهمى حهزرهتى شێخ مهولانا خاليدى نهقشبهندى شارهزورى كه تهريقهتهكه ههر به (مجدديه) ناسراوه ، كه نازناوى ئيمامى رهببانى يه كه (مجدّد) و نۆێخوازى ئاينى پيرۆزى ئيسلام بووه له سهرهتاى قهرنى يازدهى كۆچيدا ..
وه له حهزرهتى شێخ مهولانا خاليدى نهقشبهندى يهوه (قدس الله سره) ههتا ئهم چهرخه ناسراوه به تهريقهتى (خالديه) ، كه نيسبهتى دراوهته لاى حهزرهتى مهولانا خاليدى شارهزورى (أبو البهاء ضياء الدين ذي الجناحين ت1242هـ) (خلّد الله ذكرها على مرّ الأيام)،
بهلَام له ههموو ئهو شههرهتانه نازناوى(نقشبندية) كه نازناوىشاهى نهقشبهنده (قدس الله سره) له مێژوى ئيسلامدا سهبارهت بهو تهريقهته ئاشكراو مهشهوروترو نومايانتر بووه . (1)
ــــــــــــــــــــــــــ
سهرچاوهكان :
(1) بنواره : جامع كرامات الأولياء للنبهاني ج1ص557 ، ج2ص 57ـ58 ، 143 ، تنوير القلوب في معاملة علام الغيوب ، الشێخ محمد أمين الأربلي النقشبندي ص 539 ، الحديقة الندية في الطريقة النقشبندية والبهجة الخالدية قدس الله اسرارهم العلية للشيخ محمد بن سليمان البغدادي الحنفي المتوفي 1234هـ ، ص 22 .
*** *** ***
+ نوشته شده در جمعه شانزدهم دی ۱۳۹۰ ساعت 0:21 توسط حمدی
|