شێخ حه‌سه‌نی به‌صری ڕه‌زای خوای لێبێت ده‌فه‌رمووێ:-

قسه‌ی چوار که‌س زۆر کار تێکردووم و تا مردن له‌ یادم ناچن

یه‌که‌م: پیاوێکی خراپم بینی ووتم : به‌سه‌ تاکه‌ی؟ ووتی یاشێخ: نامه‌و کتێب بۆ ئاخری ده‌گه‌ڕێته‌وه‌...خوا ده‌زانێ ئاخری من و تۆ چۆن ده‌بێت ، کێ ئاخر خێرو ئاخر شه‌ڕ ده‌بێت.

دووه‌م: پیاوێکی سه‌رخۆشم بینی له‌ناو قوڕدا ده‌که‌وت و هه‌ڵده‌ستایه‌وه‌ ووتم: خۆت بگره‌ نه‌که‌وی! ووتی : یاشێخ تۆ ئاگات له‌ خۆت بێ نه‌که‌وی، من که‌وتم خۆم ده‌شۆم ، به‌ڵام تۆ بکه‌وی زه‌ره‌ر به‌ زۆر که‌س ده‌گه‌یه‌نی.

سێیه‌م: گه‌یشتمه‌ منداڵێک چرایه‌کی به‌ده‌سته‌وه‌ بوو-ووتم: ئه‌م ڕووناکیه‌ت له‌ کوێ هێناوه‌ ....هێشتا قسه‌م ته‌واو نه‌بوو بایه‌ک هات چراکه‌ی کوژانده‌وه‌ ، منداڵه‌که‌ ووتی: تۆ پێم بڵێ ڕووناکیه‌که‌ بۆ کوێ چوو.

چواره‌م: ژنێک به‌ توڕه‌یی هاته‌ لام شکایه‌ت له‌ مێرده‌که‌ی بکا..ووتم: تا زووه‌ خۆت داپۆشه‌ ...ژنه‌که‌ گووتی : زۆر سه‌یره‌ ! من داوای خۆشه‌ویستی مێرده‌که‌م هۆشم له‌ لا نه‌ماوه‌...تۆش داوای خۆشه‌ویستی خوا ده‌که‌ی ، چی ده‌بوو ئه‌گه‌ر هۆشت لای خۆشه‌ویسته‌که‌ت بوایه‌ و سه‌روچاوی منت نه‌دیبایه‌؟